الحج

بما اننا في موسم الحج قولت اكتب الكلمتين اللي في نفسي عن الموضوع ده.
الحج بالنسبة لي مش مجرد اني انوي و اركب الطيارة و العربيات المكيفة و اروح اعمل المناسك و بعدين اروح اعمل شوبنج. بالنسبة لي مدة السفر مهمة و كمان طريقته. لما بتخيل زمان و هما راكبين الجمال و طالعين علشان الحج من قبلها بشهور (معرفش المدة بالضبط) و بحاول افكر الناس كانت بتفكر في ايه ساعتها... متيهألي الوقت ده كله بيبقي وسيلة ان الواحد يفكر في كل حاجة عملها سواء صح ا و غلط... يفكر في حاجات كتير كانت شاغلة باله من ناحية الدين... و الاكتر من كدة انه هايبقي مع الله طول الوقت من غير ما يفكر في حاجات تانية في الدنيا. متيهألي الموضوع ده علي نفس قدر الاهمية من مناسك الحج ذات نفسها. و نفس الموضوع و البني ادم راجع يفكر بعد كدة هايعمل ايه في حياته و يفضل قريب من الله اطول فترة ممكنة من غير ما حاجة تانية تشغله خالص.

اما بقي بالنسبة لموضوع الفلوس و القرعة و التذاكر و كل اللي بيحصل ده من حكومات الدول (العربية) و السعودية طبعا هايتحسبوا عليه من وجهة نظري لان الموضوع بقي موضوع فلوس او علي الاقل السعودية بقت عاملة زي اللي معاه حاجة الناس محتاجاها فبتستغلها (مع عدم التعميم) لكن طبعا شاكرين مجهوداتهم في المحافظة و ادارة اماكن المناسك.

كلمة الحج بالنسبة لي مرتبطة علي طول بالسفر و الزهد عن متاع الدنيا ولو مؤقتا خلال فترة السفر و الحج. من استطاع اليه سبيلا بالنسبة لي مش انه يدفع فلوس علشان يسافر اكتر ماهي اللي يقدر يستحمل طريق السفر و الوقت و المناسك.

Comments

Popular posts from this blog

تخيلات - عبيد

لو كنت تعرفني بجد