تناقض

مشكلتي اني بحاول احصر نفسي في هدف او قالب معين و المشكلة الاكبر اني مش عارف ايه هو. عمري ما هابقي بدور اني اخلص كلية و ادور علي شغل علشان اشتغل و ادور علي عروسة و اتجوز و بعد مااتجوز العن اليوم اللي فكرت اني اتجوز فيه و العن حياتي او اني اقول ان الحياة كدة و ده شئ طبيعي. هافضل علي طول ادور علي اللي انا عايز اعمله مش اللي المفروض اعمله. مش مهم رأي ناس. مش مهم المجتمع كله.
موضوع الهدف او القالب ده بيحسسني اني عندي شيزوفرينيا. ساعات ببقي عارف انا عايز ايه و ساعات لا بس الفكرة اني احاول ماهتمش بالموضوع انا. انا زي مانا سواء عارف او مش عارف لازم ابقي مستمتع. القالب ممكن يبقي قوالب كتير او قالب كبير جامع كل القوالب.

كل ده بيرجع غالبا لفكرة او طبع التناقض اللي ف المصريين كلهم... تناقض بين كل حاجة و عكسها. تناقض مع الناس و مع النفس. تناقض.

Comments

Popular posts from this blog

تخيلات - عبيد

لو كنت تعرفني بجد