لسبب ما فكرت فجأة في السدادة القطنية او الـtampon و علاقتها بالعذرية فقعدت ادور علي النت كدة شوية.. المهم الكلام اللي جي ده دلوقتي كله مالوش علاقة بالدين و هو تفكير في تفكير الناس عامة.
معظم الحاجات اللي لاقيتها طبعا غربية بس كان في كلام يخلي الواحد يفكر.
انا اول ما فكرت طبعا في الموضوع كان شاغل بالي الفكرة من حيث الجسد.. غشاء البكارة.. اكيد حاجة زي كدة بتأثر عليه و بالتالي ضاعت العذرية. اول حاجة لاقيتها و انا بدور كان سؤال علشان يبتدي يشرح.. ايه هو تعريف العذرية؟ هل العذرية مرتبطة بغشاء البكارة بس ولا العذرية ان مايبقاش في اتصال جنسي؟
كلام كتير يمكن اغلبيتنا كرجالة او ولاد مانعرفوش ان اصلا غشاء البكارة مش علي طول سهل علشان يتفض و ممكن يفضل مدة حتي بعد الاتصال الجنسي و دي حالات موجودة مش حاجة نادرة يعني في كدة و في كدة. الفكرة اننا كشرقيين بنستخدم الاتنين مع بعض.. فكرة العذرية بالنسبة لنا ان البنت مااتلمستش و الدليل هو غشاء البكارة…النقطة اللي عايز اوصلها بقي ان انا لما اتجوز واحدة و عايزها عذراء فانا بشكك فيها لحد ما اوصل اني انا اللي افض غشاء البكارة (و دخلة بلدي في بعض الاماكن) و يبقي ده الدليل.. يعني انا بتجوز واحدة مش واثق فيها و مستني اثبت لنفسي (او للناس) ان هي عذراء. يعني العلاقة اصلا في اغلب الاحيان مبنية علي عدم الثقة.. لو مش واثقين في بعض للدرجة ان ده يبقي الدليل علي عذريتها.. ايه تاني ممكن نشك فيه و احنا متجوزين؟
لو حد فكر و قال لا انا بثق و عمل سبع رجالة في بعض.. حط نفسك انك ليلة الدخلة مالقتش اللي بيدل انك فضيت غشاء البكارة.. هاتعمل ايه؟ هاتفكر في ايه؟ هاتثق في اللي متجوزها ولا في دماغك؟ في ثقة ولا مفيش ثقة؟
مممممممم كلامك منطقى وسليم وانا قريت مواضيع كتيره قبل كده عن الموضوع ده وعن غشاء البكار اللى فيه منه كذا انواع والنوع اللى تقصده اللى هوا اسمه المطاطى وقصص من دى .. بس فى الاول وفى الاخر انت عارف فكرى هيبقى ازاى فى الموضوع ده ..