فكرة الدعاء علي اي حد بالشر بالنسبة لي فكرة غريبة. كتبت قبل كدة عنها هنا وكل فترة بشوف مستوي الكره اللي بنوصله كل يوم. الكراهية اصبحت ركن اساسي وكبير في حياتنا اليومية وتعاملاتنا وتفكيرنا تجاه معظم الناس او المختلفين عنا. والكراهية مع الجهل بتعمل ميكس عظيم.
الشيوخ او رجال الدين ايا كانت الديانة، بس المسلمين خاصة علشان دول اللي بحتك بيهم، اكتر ناس الكراهية متوغلة فيهم. اكتر ناس بتدعي علي ناس تانية مش بتدعي ليهم. ولما بيدعوا لحد، بيخصوا الدعاء للمسلمين بس…ماتدعي يا عم للناس كلها ماحدش هاياخد منك فلوس زيادة.
ومن أحسن ما يحكي، أن رجلا كان مع بعض الصالحين، فمر علي جماعة يشربون ويغنون. فقال الرجل: ياسيدي، ادع علي هؤلاء المجاهرين بالمنكر. قال الشيخ: اللهم كما فرحتهم في الدنيا، فرحهم في الاخرة! فبهت الرجل.
محمد كبريت: الجواهر الثمينة في محاسن المدينةمن شجون تراثية – يوسف زيدان