القاعدة الصبح علي القهوة بعد الفجر عموما بتخليني اشوف حاجات كتير بتخليني انط جوا حياة الناس. اللي نازل يصلي و يشتري حاجات بسيطة و هو طالع..اللي نازل يشتري فطار و طالع..اللي نازل رايح الشغل و بيعدي علي القهوة…الخ كنت بقالي فترة بكتب حاجة جديدة بس مش عارف اكملها..مش عارف اوصل اللي انا شفته او تخيلته..كل يوم بفتح الدرافت و افضل باصص للمكتوب و مابعرفش اكمل. صورة مجرد بتفكرني. […]
الاحساس و انا صاحي اشرب القهوة و هي نايمة علي كتفي. الاحساس و احنا سهرانيين بنتفرج علي فيلم و هي تنام و هي في حضني. هي ولا الاحساس؟ هي ولا الفكرة؟ لو كان غيرها كان هايفرق ولا؟ الاحساس هو هو مع اي حد ولا الشخص بيفرق؟ تصحي من النوم فرحان و تزعل لما تفكر انك يومين و ماشي مش راجع..ماتبقاش عايز تفرح تاني علشان الفرحة ماتيضعش او مايبقاش في حاجة تانية تشدك للموضوع. حلو لما تعيش لحاجة مشتاقلها و بتفكر فيها ولا هايبقي احسن لما تلاقي اللي عايزه علي طول من غير اشتياق؟ صحيح لما بتدور علي حاجة مابتلاقيهاش ولما تنساها بتيجي لوحدها و لا تدويرك عليها و سعيك ليها بيفرق و بيجبها و بيوصلك؟ الاحساس اكيد بالنسبة لي حلو بس الشخص اللي معاك اكيد بيفرق. […]
و هنا نقدر نحدد حجم التخلف اللي احنا عايشين فيه. كل ده علشان بوست “الدماغ الوسخة و السكس”…. طيب هو ايه سكسي وسخ و منين سكسي و منين وسخ؟ و ايه اوسخ جنس سكس بالعالم كامل و برده وسخ مع اختلاف السين و الصاد… و من هنا ممكن نستشف ان “بلي اوكوته” ممكن تكون وسخ بالكردي مثلا. […]
لخبطة..دوشة…عايز و مش عارف. مش عارف و عايز. بحلم مابنفذش….لخبطة. انا. دوشة…يوم و يوم و كل يوم زي كل يوم…لخبطة. لخبطة. لخبطة. […]
ما عم بقدر إنسي وجوه الناس الغابو و القلب بيقسي حتي علي اصحابو كل صحابي فلو صارو ذكري الماضي و صورهن ضلو علي هالحيط الفاضي كل صحابو غابو ضاعو بهالاراضي و صورهن ضلو بها الزمان الماضي يا ريت لا تلاقينا ولا بكيت عينينا يا ريت لا تودعنا ولوحنا بايدينا كان العمر بأول المشوار و كاس الخمر كان بعدو عنب وكنا زغار, زغار الغربة كبرت فينا و صار الوطن اكبر يا حلو لو فينا نرجع الماضي ونزغر يا حبيبي الدني كبيري شواطيها زينة و غيري و مراكبها وجوه كتيري وبحر وسيع ارجعلي حتي نسهر بهالعتمات و ننسي نكبر و بوطنا نضيع يا ريت لا تلاقينا ولا بكيت عينينا يا ريت لا تودعنا ولوحنا بايدينا يا ريت لا تحاطينا ولا بكيت عينينا يا ريت لا تودعنا ولوحنا بايدينا […]
هو يمكن علشان انا قليل جدا او نادرا لما بطلب حاجة من حد علشان كدة بتضايق لما حد بيطلب مني حاجة؟ بحاول افتكر في مرة كلمت فيها اي حد اعرفه من صحابي او معارف و طلبت منه حاجة في التليفون..”الو ازيك ايه يبني انت فين و عامل ايه..بقولك ايه انا عايز….” عمري ما عملتها. عمري ما فكرت اعملها. اسلام كذا مرة يتضايق مني في الموضوع ده.. هو باقتناعه ان الصديق لازم يطلب من صديقه اي حاجة لما يكون عايزها..فلوس خدمة اي حاجة مش مهم المسمي او القيمة لكن لازم يطلب.. و انا لما ببقي عايز اشتري حاجة و عارف ان فلان بيبيع او عنده مابرضاش اكلمه او اساله علشان مايفكرش فيها اني بطلب منه بحكم الصداقة حاجة. مش بتضايق لما يكون حد بيكلمني كل يوم او بشوفوا كل يوم و يطلب مني حاجة.. عادي بالنسبة لي. لكن لما حد مايتكلمش اﻻ كل ما يبقي عايز حاجة..بتضايق جدا. في أغلب الاوقات مابردش و بنفض. انا ندل؟ ايوة عادي. اناني؟ متربي لوحدي و وحيد..ايوة اناني. صاحب فاشل؟ ايوة و بقول كدة من زمان. ليه ماتكلمنيش اﻻ لما تكون عايز حاجة… او بتبقي محتاج حاجة معينة فاجي انا في بالك؟ ليه ماتكلمنيش اﻻ لما تكون عايز تشوفني انا. عايز تقعد معايا. عايزنا نخرج […]