Category: Uncategorized
ماتبصش الناحية التانية
معرفش ليه مابصتش في عينيها. ازاي قاومت اني اقري نظراتها؟ كنت خايف اشوف حاجة متعجبنيش..حاجة تضايقني؟ ولا مجرد استهتار بالموضوع؟ احساس ان في اتنين ماسكين دماغك واحد بيحاول يشدها ناحية الشمال علشان تشوف و التاني مثبتها في مكانها قدام و بيقولك اعمل نفسك عبيط…كل ما تمشي لقدام اكتر كل ما واحد يشد اكتر و التاني يثبت اكتر لحد ما تحس ان رقبتك هاتتكسر. كنت بضحك علي كلام اللي معايا بس معرفش كان ساعتها بيقول ايه. يا تري شاف زي ما شفت او كان باين عليا حاجة؟.. نظرة سريعة و هو بيتكلم بتقولي لا ولا خد باله من حاجة…اقوله؟ مالهاش لازمة. كان ممكن ادخل يمين… ممكن الف و امشي عكس..اتفرج علي اي حاجة في المحل اللي جمبي..اطلع الموبايل و اشتغل نفسي…افكار كتير كانت في دماغي في اقل من جزء من الثانية و بعدين قررت اعمل عبيط.. اعمل عبيط…اضحك ضحكة بلهاء علي كلام اللي ماشي جمبي… ماتبصش الناحية التانية و ساعدها تنجح في اللي بتحاول تعمله..ساعدها تمد خطواتها عكسك علشان تبعد عن مجال نظرك و تمحي فرصة انكم تبصوا لبعض. […]
ماتبصش الناحية التانية
زي الفل
طلعت في دماغه فكرة.. حاجة هو يعتبر كويس فيها او عنده خبرة فوق خبرة الناس اللي حواليه.. فبيطلبوها منه…طلعت في دماغه فكرة. مفكرش كتير و مقعدش يحسبها..موراهوش حاجة تانية تشغل تفكيره. في يوم و ليلة اتعملت و اشتغلت بس… مشتغلتش. عادي مفيش مشكلة… الناس كتير مستنية… ظبطها اكتر و يوم بعديها تكون كل حاجة زي الفل. .. […]
زي الفل
مستهتر
– انت ليه بقيت مستهتر كدة؟ – بقيت مستهتر؟ انا طول عمري مستهتر.. طول عمري مابهتمش بحاجة ولا بحد. مابخفش علي حاجة او من حاجة… بايعها. ﻻ بدور علي مستقبل و وظيفة ولا بدور علي تذكرة بودرة… بايعها. بقيت مستهتر؟ من امتي عملت حاجة صح… من امتي مشيت في طريق مرسوم.. من امتي عملت حاجة لحد.. من امتي استنيت حاجة من حد…بايعهم. بقيت مستهتر؟ طول عمري اناني…كسلان… ملول…عنيد… مجنون… طول عمري بفكر.. بدور…بغيير و بتغيير…بحلم مابنفذش… بايعني. .. بقيت مستهتر.. […]
مستهتر
كيوت
برغم ان في حقايق كتير مش متوفرة علشان الواحد يحكم علي الموقف بشكل كامل من اوله لاخره…. بس الناس الكيوت اللي متوقعة ان الجيش هايطلع يقول الداخلية بتضرب علينا و احنا بنتعامل معاهم…او الداخلية تقولك انها ضربت علي الجيش رصاص حي…ناس كيوت فعلا و بيثبتلي اكتر اد ايه احنا لسة قدامنا كتير اوي علشان عقولنا دي تشتغل. […]
كيوت
حيطة الجامع
بقالي فترة مكنتش صليت الجمعة. . في حيطة في الجامع ملزوق عليها ورقة مكتوب فيها “ننشئ اولادك علي التربية الاسلامية في البيت” و تحتيها “تحفيظ القرأن في البيت من سن 4 سنوات” …. فعلا التربية الاسلامية اني احفظ شوية بغبغانات من غير عقل ولا استيعاب ولا فهم علي ترديد شوية كلام و اقولهم ده كلام ربنا احفظوه كدة علشان تبقوا شاطرين و تتربوا تربية اسلامية. عمر ما كان “حفظ” القرأن بالنسبة لي معناه ان اصمه و اردده علي الغايب و ابقي كدة فعلا “حفظته”. الشيخ و هو بيدعي… بيدعي بس للمسلمين…ماقولتش امين وراه و داعيت انا مع نفسي… ربنا اكبر من كدة… رحمته اكبر من كدة… ربنا .. الله … بتاع كل الناس … مش مسلمين بس…ندعي للبشرية كلها…نتمني الخير للكل. “حركات الصلاة الخاطئة”…بوستر…. الصلاة و الوقوف قدام ربنا… الاتصال و الوصلة و اللحظة اللي الواحد بيقف فيها قدام ربه..اكبر من رجلي تحتي ازاي. .. […]
حيطة الجامع
Skyfall
خواطر
الاخوان بيخططوا لمصيبة اليومين اللي الجايين و هايلبسوها في الفلول و المؤامرات. الجيش بيفكر ينزل بس مش لاقي طريقة شيك ينزل بيها. الاخوان بيستعينوا بمليشيات مصرية و غير مصرية دليل علي ضعفهم و خوفهم و غبائهم…كالعادة. الجيش لو نزل و حصل انقلاب… الثورجية هايعملوا ايه؟ انا و اخويا علي ابن عمي و انا و ابن عمي علي الغريب؟ ولا هانقضيها اعتصامات و هتافات و مليونيات من غير اهداف محددة او واحد يتكلم بلسان الكل؟ في حالة الصدام القادم ﻻ محال سواء جيش و شعب و اخوان و متأسلمين او حتي بخروج الجيش من الصورة… الدم ده كله مين مسئول عنه؟ في حالة نزول الجيش… الشرطة و الداخلية هاتساند مين؟ الاخوان هايعملوا ايه؟ هايستخبوا زي ما كانوا مستخبين و لا هاينفجروا الانفجار الاخير؟ بغض النظر عن اي حاجة هاتحصل اذا حصلت…. الشعب ابن المرة ده هايتثقف امت؟ في النهاية…كله خير…. او شر.. المهم انه هايجي هايجي. […]
خواطر
last kiss
المتأسلمين و السكس
انا بني ادم طبيعي ﻻ متدين اوي و لا صايع و عربيد. بتفرج علي بورن و بتعجبني بنات الخ الخ الخ.. عندي كذا صاحب من اللي بيدافعوا عن اي حاجة فيها كلمة اسلام.. مرسي, اخوان, سلفيين, ابو اسماعيل, شريعة… الي اخره.. فيهم اللي ابوه عامل فيها شيخ وفيهم اللي ابوه امير امراء الجماعات الاسلامية و ما بينهم. الناس دي اكتر ناس بتقلل من البنات.. اكتر ناس بيتكلموا عنهم بطريقة جنسية ﻻ تتعدي نظرتهم ليهم غير ان البنات مجرد وسيلة لتفريغ شهوة… الناس اللي بتدافع عن المتأسلمين.. اللي بيقولولك شريعة و دين و اسلام… بيفكروا في كدة… او علي الاقل ابوهم و عيلتهم ماعرفوش يربوهم ولا يفرضوا عليهم الصح و الغلط… و جايين يفرضوه علينا. الناس دي بتشرب حشيش عادي و بعد ما يفوقوا يدافعوا عن ابو صلاح البطل المغوار. الناس دي بتكدب علي اهلها علشان يسهروا او يتأخروا او ياخدوا العربية من وراهم… و بيتكلموا عن الدين و الاسلام و بيدافعوا عن الشيوخ المعرصة زيهم. الناس دي انا بحتقرها اكتر من اللي ممكن يبقي شايفني كافر و علماني و ضايع لكن هو فعلا بيحاول يبقي محترم. لكن اللي يدافع عن حاجة و هو بيعمل حاجة غيرها هو حيوان ناطق معرص. […]
المتأسلمين و السكس