حصيلة الاجازة…معظم الدفعة خلصت العسكرية. و اللي مخلصهاش كان و مازال بيشتغل….واحد صاحبي اتجوز..اكبر مني بشوية. و واحد تاني قدي صاحبي من ابتدائي خطب..و بكدة يبقي التاني منا يخطب. الكلاب تعوي و القافلة تسير. […]
حصيلة الاجازة
Category: Uncategorized
L
و لا
مش عارف افرح ولا ازعل؟ افرح اني فاهم شوية و بحل امتحانات و الدنيا ماشية؟ ولا ازعل اني لو كنت ذاكرت ربع اللي ذاكرته دلوقتي السنة اللي فاتت كان زماني ناجح فيها من غير اي مجهود؟ افرح اني بكرة نوعا ما هاعرف احل المفروض كله و هابقي فاهم؟ ولا ازعل اني هارجع انام و اصحي الم منهج مادة في ليلة واحدة و ادخل امتحانها….ازعل ان ده الترم قبل الاخير خلاص و لا افرح؟ مفيش حاجة حلوة بس….لازم تبقي فيها حاجة حلوة و حاجة وحشة…لكن ممكن تبقي في حاجة وحشة بس و مافيهاش حاجة حلوة. […]
و لا
الحل
اكتر ناس بتهري في السياسة علي النت هم اكتر ناس فاضية او معندهاش اي حاجة تعملها. فكرة ان في مساحة اي حد بيقدر يتكلم فيها و هو معندوش اي حاجة يقولها بيدور علي اللي شاغل الاغلبية و يزعق. هو مش فاه..او فاهم.. و كل اللي بيشوفوا الكلام ده ولا مهتمين باي حاجة بيقولها. معظمهم واخدين قرار من الاول مهما حصل. الخروج من البلد دي هو الحل. المشكلة مش في نظام و لا سياسة. المشكلة في الشعب. المشكلة فينا احنا. […]
الحل
حاجات
وبعدين؟
تحب شخص اوي..اوي اوي لدرجة انك تتمناله حد احسن منك..و تبقي متعلق مش عارف تحس بايه…تحس انك احسن حد ليه لان مفيش حد هايحبه بنفس الدرجة..ولا ده مجرد تفكير حيحان و اكيد في حد احسن منك ممكن يحبه اكتر منك و احسن؟ طب و بعدين…هافضل برده انسان مش كويس..عايزين نبقي مع بعض..مطلوب مني حاجات كتير..شقة..فلوس..فرح..شبكة..مهر..توضيب..حاجات كتير…لو فكرنا تفكير عقلي يبقي لا يمكن نبقي مع بعض بسرعة بالشكل ده. لو كل حاجة مشيت مظبوط و اتخرجت دورت علي شغل شوية و لاقيت و هابتدي اجهز للحاجات دي..يبقي علي الاقل فيها 5 سنين مثلا علي اقل تقدير. الشقة مشكلة كبيرة الفرح مشكلة كبيرة الشبكة مشكلة كبيرة..اصل طالما هاجيب شبكة علشان ده المطلوب..يبقي لازم تبقي شبكة بجد. التوضيب مشكلة كبيرة ان حد يوافق عليا اصلا مشكلة اكبر طب و بعدين؟ […]
وبعدين؟
Note to self
حاجات
معنديش
معنديش عربية لا.. ولا فلوس كتير يعني. معنديش شقة. معنديش شاليه علي البحر. معييش مفتاح شقة في جامعة الدول ولا الزمالك. مش دايس اوي و حياتي مملة نوعا ما. بابا مابيشتغلش في الخليج..معندناش املاك في اي مكان. معنديش قريب عنده شغله الخاص..معنديش قريب تقريبا اصلا. معنديش وسايط..ومابحبهاش..او يمكن مابحبهاش علشان معنديش..او معنديش علشان مابحبهاش. الكلية اللي انا فيها كويسة بالنسبة للمحيطة بيها و اللي في الاخر كلهم زبالة. البلد زبالة..معادا ادوار معينة. و انا اصلا مش كويس اوي. […]
معنديش
الحالة
انك تحب شخص جدا و تتعلق بيه و يبقي نفس الشعور متبادل..بس مش عارفين تبقوا مع بعض. […]
الحالة