عايز اكتب…بس مش عارف اكتب ايه. في حاجات كتير ماينفعش اقولها علشان خايف تتعرف او يمكن مش عايز اقنع نفسي انها بجد جايز و انا بنكرها تختفي او ماتبقاش مهمة..تبطل تدور في دماغي. مش عارف اكتب ايه. بحاول اسيب ايدي علي الكيبورد و اسيب الاي كلام يطلع. مش عارف. مش جايبة همها. […]
مشكلة الايفوريا انها مهما كانت مسبباتها سواء طبيعية او ايفوريا حقيقية بسبب مخدر ما، هي انها بتختفي بسرعة. في حالة المخدرات علشان الايفوريا بتبقي حقيقية و مستوي اعلي لما بتختفي دايما الناس دي بتقضي ايام سودا..في الحالة الطبيعية بتزيد بسبب اننا بنبني حاجات كتير علي الشعور ده….فانتازيا بنعيشها لفترة ما بنتخيل فيها كل اللي عايزينه…و لو مركزناش ان كل ده مجرد…احلام او تخيلات او جرعة زيادة و صدقنا الوهم بتبقي دايما اعراض الانسحاب اقوي و الافتر ايفيكت بيبقي سئ لدرجة ممكن تخسر الواحد حاجات كتير. اللذيذ فيها انها ممكن تبقي وسيلة لتحقيق التخيلات دي..وسيلة انك تعيش حلم ما فبعدها تسعي جاهدا انك توصله علشان عايزه..دافع..بس لازم تعرف تتحكم فيها..تفصل الحقيقة عن الخيال و تبقي عارف انها ممكن تعيشك ايام بعديها زي الزومبي. الكلام اللي فوق ده لما قريته بعد ما كاتبته..باين اوي انه كلام مريض نفسي. […]
2 معرفش انا ليه بكتب review علي goodreads. انا تقريبا معرفش افرق بين القصة و الرواية او اي حاجة تانية. علي imdb مثلا بقييم الافلام علشان يجيبلي افلام تانية قريبة منها اشوفها و مابهتمش اني اكتب نقد لاني برده ولا فاهم حاجة. الكلام اصلا اللي بكتبه ببقي بضحك عليه و انا بكتبه..يمكن علشان م متعود مثلا اني اكتب بالفصحي اوي كدة ولا علشان بتفلسف و انا تقريبا مش فاهم حاجة؟ غالبا الاتنين مع حاجات تانية كمان. علي النيل اكتر حاجة كنت فرحان كان انه في “حياة برية” انواع الطيور ماشوفتهاش في اي مكان في القاهرة و الجيزة روحته قبل كدة. عبيط انا..بس لما اشوف مثلا نوع من الـkingfisher بيصطاد في النيل ده كافي انه يخليني ابقي فرحان..الجو الحلو و لو مش معاك ناس رخمين يبقي كدة “اتعشت” “اسراب القريدس وهى بتحمى بيضها من هجمات السلطعون المتكررة” لو سابولي اختيار اسمي في الوقت الحالي هاختار نصة. لما باجي افكر في اي حاجة بلاقي نفسي في النص فيها. لا انا يمين ولا شمال..في النص..في اي حاجة. حتي اسلام..كنا بنتلكم في زمان و البنات ايام المدرسة و المراهقة و الجو ده و كان كلامه عليا “هي معظم البنات كدة مابتحبش النص..يا محترم اوي يا صايع اوي” نصة احسن وصف. منتمي و مش منتمي. […]
الناس اللي بتتكلم مع نفسها هي اكتر ناس مستريحة…و يمكن علشان خوفي من اني اشوف نفسي بكلم نفسي ابتديت البلوج دي بغض النظر عن اي حاجة تانية. هي فعلا مكان بخرج فيه شوية كلام و بستريح بعضه.. مش مهم مين يقراه ولا انه يبقي كلام مفهوم..المهم انه خرج. لما بدور في المواضيع القديمة في المدونة هنا بلاقي ان في الاوائل كنت بحاول اوجه كلامي لحد و بالتدريج بقيت بحاول اوجه حد لكلامي. السنة دي مختلفة نوعا ما او انا حاسسها مختلفة..في كل حاجة. الكلية مثلا اخر سنة..مش زعلان انها اخر سنة ولا فرحان رغم ان في ناس كتير انا عارف اني مش هاشوفها تاني رغم ان ممكن ماتكونش ليا معاهم اي علاقة او علاقة قليلة اوي..بس كان في الاخر اسمنا في نفس المكان. ناس ليا معاهم علاقة ممكن برده تبقي اخر سنة اشوفهم او اكلمهم فيها لاني في العادة مابعرفش افضل متصل باي حد بشكل كويس…انتماء للكلية او للجامعة مش هايبقي موجود رغم انه انتماء عديم القيمة..بس اهو الواحد بيتلزق. خايف يمكن لما اخلص الكلية و ابقي معرفش انا المفروض اعمل ايه؟ يمكن. يمكن اوي كمان. زهقت من الحاجات اللي بعملها بعد تفكير طويل…مهما كانت حلوة مافيهاش متعة…و في نفس الوقت في الغالب مابتحصلش. نفسي اقرر السفر اخد شنطة و […]
عندي رغبة شديدة اني الم كام حاجة في شنطة و اطلع اسكندرية اول اسبوع من الدراسة…عايز شقة علي الكورنيش في دور عالي شوية.. مش مهم الشقة فيها ايه ولا عاملة ازاي ولا المنطقة ايه. مش عايز غير بلكونة صغيرة علي الكورنيش و البحر قدامها مفتوح. مش عايز اسافر مع حد…لوحدي. مش لازم انزل ولا اخرج ولا اروح في اي حتة. بس كالعادة رغبة مابعملهاش. علي صعيد اخر.. […]
النسخة الجديدة بدون تحميل https://mohamedation.github.io/securing-wifi/ النسخة القديمة فكرة الكتاب تتلخص في مشكلة عدم الاهتمام بالأمن و إعداداته في سبيل الراحة و السهولة. فكانت الفكرة اني اكتب الكتاب او الكتيب ده الذي لا تتعدي صفحاته الـ30 صفحة ليكون بمثابة ملخص سريع لاهم الإعدادات و الطرق لحماية و تأمين الشبكات المنزلية بطريقة تتيح للمستخدم المنزلي العادي من فهمها بسهولة و امكانية تحسين أمن شبكته بدون الاعتماد علي خلفية واسعة من المعلومات او الأمور التقنية. “كُتيب عملي وبسيط، يستطيع أي شخص الاعتماد على المعلومات التي به؛ لتأمين شبكته بصورة قوية وفعالة.” – موقع كتب عربية حرة. “لذا يأتي هذا الكُتيب بشرح مبسط لكيفية تأمين المستخدم المنزلي للراوتر الخاص به، وما هي المخاطر المحتملة من استطاعة شخص الوصول إلى شبكتك واختراقها، مع بعض الإرشادات في النهاية كتخليص لما تم ذكره في متن الكُتيب.” – موقع صحيفة الرؤية. الكتاب علي موقع كتب عربية حرة : http://librebooks.org/secure-wireless-networks-for-home-users/ الكتاب علي goodreads https://www.goodreads.com/book/show/20935889 لتحميل الكتاب http://ubuntuone.com/1QEg4PqUiMxFi0Bm9xgo82 (old, Removed) http://www.4shared.com/office/ksnsBaWj/____.html http://bit.ly/1blWuUL http://jmp.sh/v/Vi1zqEZRHUYBkGq2qMjH الكتاب علي بعض المواقع Hacking15 http://www.hacking15.org/blog/network/secure-wireless-networks-for-home-users/ صحيفة الرؤية http://alroeya.ae/2013/11/03/99128 zyzoom http://forum.zyzoom.net/threads/226286/ hitscom http://hitscom.com/main/?p=447 newt3ch http://www.newt3ch.net/?p=5507 isecur1ty http://goo.gl/YSNf9a inewsarabia http://goo.gl/pRmKG6 في النهاية…شكرا لكل من يقدم جهده و معلوماته بدون مقابل فقط لاثراء المحتوي العلمي و […]
عارف لما تكون بتعمل حاجة انت عارف ان مالهاش اي لازمة بس معندكش حاجة تانية احسن تعملها؟ حاجة من جواك تقعد تقولك مالهاش لازمة…و بعدين؟ فكك..و انت ترد هاخسر ايه يعني اديني بلعب…اديني بلعب. […]