ممكن تكون المشكلة راجعة لاني اناني..او اتعودت ان الحاجة بتاعتي تبقي بتاعتي انا بس. الصحاب سواء واحد او اكتر، لو حسيت انهم مش صحابي بمعني صحابي، بقفل. لو مش عارفين كل حاجة عن بعض او حد بيعمل حاجة من ورا التاني..يبقي خلاص.
دي انانية…لزقة…اي حاجة..بس اعتقد اني كدة وصلت للمشكلة.
الانسان محتاج حد يتكلم معاه ويسمعه. محتاج حد ينام معاه. محتاج حد يخرج معاه. محتاج حد ياكل معاه. حد يحبه. محتاج حد يتطمن عليه ويتطمن هو علي حد. مش لازم يبقي الحد ده واحد بيعمل معاه كل ده..المعادلة الاسهل انك تلاقي اشخاص يبقي كل واحد فيهم كويس في حاجة فتعمل الحاجة دي معاه. وبكدة يبقي الكلام ده متعارض مع المشكلة الاساسية الا وهي اني اناني. ويبقي الحل اني يا انتحر يا اعيش كدة ثور الله في برسيمه.
الكلام ده كتبته من فترة في نوت علي الموبايل..لاقيته دلوقتي وانا برتب. يمكن من 2013.