لا مبسوط ولا متضايق

–  لا مفيش جديد.. من الشغل للبيت ومن البيت للشغل.

– و مبسوط ولا لا فعادي ولا اي حاجة لا مبسوط ولا متضايق. شغلي بليل فمستريح من دوشة الصبح والزحمة والخرا.

وايه اللي غير رأيي فعلشان اريح اللي حواليا.. بين قوسين اهلي.

– الفلوس كده كده مش جايبة همها.

– بليل الدنيا هادية مفيش زحمة ولا دوشة و الشغل روتيني اي كلام..

– انا بس برد بالقرف اللي انا حاسس بيه تجاه الموضوع.

– انا مابخدش فلوس من اهلي ولا بطلب منهم حاجة فزنهم على اني قاعد بس ومستقبلي والكلام الحمصي ده.

– لا بنام 11 12 واصحى على الشغل.

– معنديش حاجة اصحالها.

– انا في العادي مابقابلش حد اوي فمش فارقة كتير.

– اهو لحد ما ازهق.

– لو لاقيت هابقي اروح بس مالقتش حاجة قدامي.

– انا عامة مابقتش عايز حاجة اصلا اكتر من الاول.

– ساعات بنسى وبشتغل اتوماتيك من غير ماافكر في حاجة فمببقاش لا مبسوط ولا متضايق

لحد مافتكر تاني ان مفيش اي حاجة.

– يبني انا لا اصلح للزواج لا ماديا ولا شخصيا

بالنسبة لزن اهلي في الموضوع فا ماديا هو السبب اهو.

– انا ماينفعش اتعاشر كتير 😀

– انا شخصيتي بضان كدة

يعني اصحابي اللي بيحبوني بيحبوني كدة

لكن عارفين اني بضان

و مستحملين

+ طول مانا مش مبسوط مش هاعرف ابسط حد.

– ممكن طبعا. بس انا مابعملش حاجة اصلا تخليني اعرف حد.

– اخرنا هانقضيها كافيهات و سينما الصبح زي بتوع ثانوي وهي تزن عليا علشان اجي اتقدملها

فليه افكر في حاجة زي كدة؟ اديني مرمى لوحدي انا مستحمل بضاني

وتعالى نقول اني هاقضيها انحراف… برده معنديش اللي يساعدني في ده

للأسف ساعات ببقى محتاج فعلا لحد… بس لا في ولا ينفع.