ولا مش عايزه يوصل انه يبقي انجح منك؟
مش عارف السبب او الهدف اني اكتب البوست ده بس انا بكتب دايما علشان اخرج اللي في دماغي..
كل انسان حر يقول اللي هو عايزه و يعمل اللي هو عايزه باي شكل طالما مابيفرضش عليا اي حاجة. الموضوع كان في دماغي بقالي فترة اني اكتب اللي في دماغي من ناحية التعليقات علي حاجة... خصوصا علي اليوتيوب.
لو فيديو مش عاجبكاو مضايقك متتفرجش عليه...متفتحهوش او ماتكملهوش.. محدش فرض عليك انك تتفرج عليه. و محدش هايفرض عليك انك تحبه او تكره.
اللايك و الديسلايك ليهم هدفين.. الاول ان اللي بيعمل الفيديو يحسن المحتوي لو مهتم برأي المشاهدين. التاني انك بتساعد اليوتيوب يجبلك فيديوهات تاني من نفس النوعية او العكس انه يقلل من نفس النوعية لو ديسلايك... لكن الموضوع مش موضوع حرب و لا انت كدة بتشتم اللي عمل الفيديو او المحتوي مهما كان لان لو مش عاجبك ببساطة متتفرجش.
بالنسبة ان الواحد يقول رأيه... رأيك لازم مايجرحش اللي قدامك و لازم يبقي هادف... قول ان كذا و كذا معجبكش.. ان الكلام يبقي احسن من وجهة نظرك لو كان كذا بدل كذا... قول انت حسيت بأيه او معجبكش ايه او عجبك ايه لكن ماتقولش للي عمل الحاجة يعملها ازاي او تشتموا او تقول عليه اي كلام شخصي بعيد عن محتوي الفيديو.
بتكسب ايه لما تشتموا شتيمتين... بتحس انك جدع؟ راجل؟ بتحس ان ليك شخصية؟ متضايق علشان هو بيعمل حاجة هو بيحبها و انت لا؟ ولا مش عايزه يوصل انه يبقي انجح منك؟
انا عن نفسي ساعات و كتير كمان بشتم في الحقيقة لما حد بيسألني عن رأيي في حاجة او في حد و مع ان بيبقي قصدي بالشتيمة هو وصف شعوري انا من ناحية الموضوع و ماليش علاقة بالشخص انما بتضايق و لما بفكر بحس اني غلطان. مش شايف اي مبرر اني ادخل اتفرج علي فيديو و بعدين يكون مش عاجبني فاكمله للاخر - او حتي ماكملوش - و اروح نازل لتحت و اكتب كومنت علشان اشتم او علشان اقول اي كلام مالوش علاقة بالمحتوي.
ماتحاولش انك تهاجم شخص اخر لسبب انت مش عارفه... ماتهاجمش شخص بيعمل حاجة علشان تحس انك شخص. لو عايز تهرج او تبقي ساخر يبقي قول ده قبل ما تكتب او تقول اللي هاتقوله.
الكلام ده موجه ليا انا مش موجه لحد لاني مش بقول للناس تعمل او ماتعملش ايه.. انا مجرد بتطلع اللي في دماغي و تفكيري.
لو فيديو مش عاجبكاو مضايقك متتفرجش عليه...متفتحهوش او ماتكملهوش.. محدش فرض عليك انك تتفرج عليه. و محدش هايفرض عليك انك تحبه او تكره.
اللايك و الديسلايك ليهم هدفين.. الاول ان اللي بيعمل الفيديو يحسن المحتوي لو مهتم برأي المشاهدين. التاني انك بتساعد اليوتيوب يجبلك فيديوهات تاني من نفس النوعية او العكس انه يقلل من نفس النوعية لو ديسلايك... لكن الموضوع مش موضوع حرب و لا انت كدة بتشتم اللي عمل الفيديو او المحتوي مهما كان لان لو مش عاجبك ببساطة متتفرجش.
بالنسبة ان الواحد يقول رأيه... رأيك لازم مايجرحش اللي قدامك و لازم يبقي هادف... قول ان كذا و كذا معجبكش.. ان الكلام يبقي احسن من وجهة نظرك لو كان كذا بدل كذا... قول انت حسيت بأيه او معجبكش ايه او عجبك ايه لكن ماتقولش للي عمل الحاجة يعملها ازاي او تشتموا او تقول عليه اي كلام شخصي بعيد عن محتوي الفيديو.
بتكسب ايه لما تشتموا شتيمتين... بتحس انك جدع؟ راجل؟ بتحس ان ليك شخصية؟ متضايق علشان هو بيعمل حاجة هو بيحبها و انت لا؟ ولا مش عايزه يوصل انه يبقي انجح منك؟
انا عن نفسي ساعات و كتير كمان بشتم في الحقيقة لما حد بيسألني عن رأيي في حاجة او في حد و مع ان بيبقي قصدي بالشتيمة هو وصف شعوري انا من ناحية الموضوع و ماليش علاقة بالشخص انما بتضايق و لما بفكر بحس اني غلطان. مش شايف اي مبرر اني ادخل اتفرج علي فيديو و بعدين يكون مش عاجبني فاكمله للاخر - او حتي ماكملوش - و اروح نازل لتحت و اكتب كومنت علشان اشتم او علشان اقول اي كلام مالوش علاقة بالمحتوي.
ماتحاولش انك تهاجم شخص اخر لسبب انت مش عارفه... ماتهاجمش شخص بيعمل حاجة علشان تحس انك شخص. لو عايز تهرج او تبقي ساخر يبقي قول ده قبل ما تكتب او تقول اللي هاتقوله.
الكلام ده موجه ليا انا مش موجه لحد لاني مش بقول للناس تعمل او ماتعملش ايه.. انا مجرد بتطلع اللي في دماغي و تفكيري.
Comments
Post a Comment