انت أنبوبة

الـYOUTUBE شئ مهم في حياتنا و منقدرش ننكر ده. سواء كنا بنتفرج علي افلام او حاجات مضحكة او حتي فيديوهات سياسية. من غير كتر كلام انا قلت اقول علي شوية من الـChannels اللي انا subscribed ليها علشان لو حد مهتم :)

نبتدي كدة بحاجة سخنة شوية و مع بريتني سبيرز :D 

http://www.youtube.com/user/BritneySpears

و فيديو علي السريع 

و ايوة بحبها :)

نيجي لبعد كدة و مع college humor

http://www.youtube.com/user/collegehumor

و لو كنت ماتعرفش ايه ده يبقي انت مش عايش و فيديو علي السريع برده

معانا بعد كدة Smarter every day و ده واحد بيعمل فيديوهات علشان ياخد تبرعات او فلوس يعني علشان يدخل ولاده جامعة كويسة و الفيديوهات اللي بيعملها اصلا عاملة زي كلية بالنسبة ليا علشان بيقول فيها حاجات الواحد مايعرفهاش بطريقة تخليك تستمتع بيها.

http://www.youtube.com/user/destinws2

و فيديو بسرعة

اللي بعد كدة في HAK.5  ده برنامج اسبوعي عن التكنولوجيا و الـHacking و ده كان من اوائل البرامج اللي بتابعها و اللي شدني جدا و علمني حاجات كتير.

http://www.youtube.com/user/Hak5Darren

و فيديو

و بعدين معانا Household Hacker و دي فيديوهات معمولة علشان حاجات صغيرة ممكن تعملها في البيت بحاجات بسيطة و تعمل منها حاجات ممتعة او ساعات مؤلمة :)

http://www.youtube.com/user/HouseholdHacker

و فيديو برده

بعد كدة معانا Latuff  و مين فيكي يا مصر مايعرفش هو مين دلوقتي و مع ان فيديوهاته قليلة الا انه يستحق المتابعة

http://www.youtube.com/user/Latuff

و.... ايوة فيديو :)

مروان انور... لو ماتعرفوش يبقي فاتك كتيييييير اوي

http://www.youtube.com/user/maromusic1

عييييييش

و بعدين مشروع ليلي..... اااااه يا مشروع ليلي... لو هاتكلم عن حاجة واحدة عملتها في 2011 و نفسي اعملها كل يوم هايبقي اني احضرلهم حفلة..

http://www.youtube.com/user/Mashrou3Leila

و فيديو برده

و بعدين معادنا مع علوم القتال.. حتة نات جيو بقي Submissions 101 فيديوهات عن الجيوجيتسو

http://www.youtube.com/user/Submissions101

فيديو (ليس للقلوب الضعيفة :) JK )

و علشان انا في تجارة انجلش يا مي... لازم نبقي عارفين ست سوزان (مش سوزان القراءة للجميع) مع انها بطلت تعمل فيديوهات بس الست دي افضالها كتير عليا و علي كتير مننا في الدفعة

http://www.youtube.com/user/SusanCrosson

فيديو

يحصل ايه لما يبقوا شباب مجانيين (زيي كدة) و معاهم كاميرا تصوير بطئ (تصوير بطئ بجد مش بتاعت الافلام الهندي دي) يبقي معانا the Slowmo guys

http://www.youtube.com/user/theslowmoguys

فيديو كالعادة

طبعا انا لا يهمني بتاتا انكم تتفرجوا علي اي حاجة خالص بس قولت اهو اعمل خير و ارميه في البحر :D